218.

1. Qui seminant in loculis

Per dandi frequens mutuum,

Redituum
Gaudebunt de manipulis,
Nummus nunquam examinat,
Quos ordinat,

Non enim servit numini,

Sed homini,
Nummus claudit et aperit,
Et quod non seminaverit,

Metit in agro Domini.

2. Beati, qui esuriunt

Et arcessito Simone

Pro mammone
Quaestum, praebendas rapiunt,
Qui dat, est potens omnium
Per medium,

Et quia mundus eligit,

Qui porrigit,
Cur exlamare dubitem
Super plenum et divitem:

Beatus, qui intelligit.