4.

1. Salve, pater luminum,
Omnium salus fidelium,
Tu summa spes omnium
Diceris dans solamen pium.
Jesu, decor virginum,
Servorum tuorum praemium
Munda sordes criminum
Tribuens reis remedium.

2. Salve, fili virginis,
Mariae lu primogenitus,
Ave, victor daemonis,
Dei patris unigenitus,
A cunctis nos ruinis
Eripe, rex virginum, penitus,
Dumque nobis est finis,
Trahe nos ad te divinitus.

3. Salve, donum coelicum,
Spiritus Dei qui diceris,
Juvamen da mirificum
Donans auxilium miseris;
Ave, carmen mysticum,
Quod nunquam humiles deseris,
Fac, trinitas, nos frui superis
In aeternum.