37.

1. Sion, gaude, duc choreas

praecine sodalibus,
Trepant pedes, eant manus

nec sit modus gestibus,
Tuus David tympanizat

et se portat manibus,
Sic rex Achis incantatur

captus novis fraudibus.

2. David Christus, Achis daemon,

Sion est ecclesia,
Tympanistes fuit Christus,

dum sacrat jejunia,
Se portabat, dum in coena

suis datur hostia,
Hostis unde spoliatur,

Sion habet spolia.

3. Hic est David, qui prostravit

Philistaeum lapide,
Gloriantur et laetantur

turbae prius pavidae,
Solus reus rex Hebraeus

ut Saul fait invide,
Placat illum intranquillum

pius pater Ididae.