75.

5. Deprecemur igitur

Omnes una Dominum,
Cui regnum subditur

Nullum habens terminum,

Ut ad pia
Supernorum civium
Nos perducat gaudia.

1. Ecce, festum nobile,

Quod dat anni reditus
Mundo celebrabile,

In quo sanctus spiritus

Praecordia
Replevit fidelium
Sua sancta gratia.
R Alleluja,

Regi regum omnium
Concinat ecclesia.

2. Apostoli praediti

Repente charismate
Spiritus paracliti
Omni idiomate

Magnalia
Dei in gentilium

Vulgarunt praesentia.

3. Judaei ut subdoli

Spernentes oracula,
Quae dabant apostoli,
Dixerunt, hos crapula

Eximia
Vini debacchantium
Ritu loqui talia.
R Alleluja,

Regi regum omnium
Concinat ecclesia.
4. Judaeis fallacibus

Sanctus Petrus obviat
Signis et virtutibus
Et horum denuntiat

Eloquia
Juxta testimonium
Joelis mendacia.