84.

1. Congratulare et laetare,
Turba nunc fidelium,
Ab omni cura mente pura
Cole Dei filium.
R Alleluja, Alleluja,
Christo regi jubila,
Qui se Jesum dat in esum
Fertque cordis nubila.

2. Qui pro nobis atque vobis
Necem duram sustulit
In crucis ara et amara
Morte mortem repulit.

3. In tuo esu, bone Jesu,
Nostra dele crimina,
Nosque conserva et enerva
Saeva mortis fulmina.
R Alleluja, Alleluja,
Christo regi jubila,
Qui se Jesum dat in esum
Fertque cordis nubila.

4. Ne damnemur, sed salvemur
Per tuum judicium,
Qui es cunctorum plasmatorum
Finis et initium.