87.

5. Hujus sponsa nivea

et roseo rubore,
Duplici victoria

consimilis aurorae,
Lactat omnes populos

gratiarum vigore,
Implens haec palatia

nuptiali candore,
Quae suspirans gaudia

spero sed cum timore.

1. Omnis saltus Libani

multo splendet decore,
A duce praenobili

regali facta more,
Quam Tyrus et Babylon

pari zelant livore,
Hanc Juda et Ephraim

tanto colunt ardore,
Nec si Maro viveret,

digno referret ore.

2. Pavimentum nitidum

argenteo colore,
Aureus est paries

non indigens pictore,
Tectum cedro redolet

celatum omni flore,
Margaritae renitent

earumque splendore
Lucent domus intima

velut sol in fervore.

3. Perornantur floribus,

flores pascunt odore,
Odor spirans naribus

nos ligat in amore,
Scatent rivi fontium,

campi rident virore,
Strepit cantus avium

multiplici canore,
Ver ibi perpetuum,

quies sine labore.
4. Princeps domus inclitus

omni carens rancore
Laetus, pulcher, dapsilis,

nullo prudentiore,
Quem infundit coelitus

pater superno rore
Et ditavit celsius

omni imperatore,
Ad se traxit omnia

suo pio cruore.