97.

1. Francigenae, radii

Morum atque vitae,
Dulcore praeconii

Festum insignite
Sancti Dionysii

Areopagitae,
Martyris egregrii

Et archimandritae.

2. Hic deserens Graeciam,

Cujus erat aegis
Et pastor, per gratiam

Angelorum regis
Accessit in Franciam

Cum suis collegis,
Non verens insaniam

Populi exlegis.

7. Te hoc in exsilio,

Sancte Dionysi,
Corde rogamus pio,

Ut omnes provisi
Sic tuo suffragio

Simus, ne divisi
Post mortem a gaudio

Simus paradisi.

3. Tandem Christi nuntius,

Duliae caducae
Versatilis gladius,

Non obstante truce
Populo, quantocius

Circumfusa luce
Fidei, Parisius

Venit Christo duce.

4. Exstirpato duliae

Circumquaque felle
Infusoque latriae

Ejus loco melle,
Sator legis hagiae

Per praefecti velle
Captas fuit impie

Caesa virgis pelle.

5. Clibani incendia

Fidei athleta
Ac tormenta alia

Mente tulit laeta,
Famis animalia

Rabie repleta
In ejus praesentia

Fuere quieta.

6. Hinc pluribus aliis

Martyr trabeatus
Attritus suppliciis

Et incarceratus,
Tandem ex cibariis

Coeli recreatus
Cum duobus sociis

Fuit decollatus.