103.

1. Ad infantum triumphantum
Gloriosum transitum,
Quis polorum perviorum
Mors paravit aditum,

2. Rex insanus misit manus
Bethlehem per ambitum,
In furore de cruore
Inquinans exercitum.

3. Sed in vanum versat manum,
Quod facit, est irritum,
Namque dire vult ferire,
Non est ei licitum.

4. Lictor saevit nec implevit
Furorem indomitum,
Ferit, truncat et aduncat
Morem praeter solitum.

5. Ut est scriptum, in Aegyptum
Duxerat transpositum
Joseph pater, virgo mater,
Sicut erat creditum.
R Sint infantes festivantes,
Et sonorus psallat chorus,
Nec desistat, sed insistat
Dulcem ferre sonitum.