De s. Thoma Cantuariensi.
137.

1. Novus miles sequitur

Viam novi regis,
Bonus pastor patitur

Pro salute gregis,
Thomas agni sanguine
Lavat stolae geminae

Purpuram rubentem;
Ees est satis evidens,
Quod illustrat occidens

Totum orientem.

2. Opus erat medico

Mundo morienti
Et gregi Dominico

Pastore prudenti;
Sanguis Thomae medici
Mundi paralytici

Vulnera sanavit,
Clamat grex dominicus,
Quod Anglorum medicus

Mundum renovavit.

3. Thoma, nati parvuli

Miles triumphalis,
Sis cleri, sis populi

Pastor spiritalis,
Audi Legecestriam,
Clerum et militiam

Ejus ita rege,
Ut regnet in patria
Peracta militia

Cum aeterno rege.