146.

1. Homo, qui semper moreris,
Qui diffluis quotidie,

Qui scis, quod heri fueris
Malus et pejor hodie,

Cur oculos non aperis,

Quid vitae viam deseris

Et ebrius efficeris
Inanis fumo gloriae?

2. Dic, homo, res instabilis,
Dic, universa vanitas,

Tu, cum non sis mutabilis,
Sed ipsa mutabilitas,

Quid te pulvis sie stabilis,

Ac si res esses stabilis?

Quid te dilectat fragilis
Carnis et vitae vilitas?

3. Non vides, quod praetereat
Mundus et mundi gloria,
Quod foenum carnis marceat

Hac die peremptoria?
Sit nobilis vel sordeat
Homo, dives vel egeat,
Oportet, quod hinc transeat,
Nam res est transitoria.

i. Te brevis delectatio,

Homo, mercator pessime,

Aeterno privat gaudio
Atque punit justissime,

Qui turpi mercimonio

Rufae lentis edulio

Te fraudas patrimonio,
Vita carnis mors animae.