147.

1. Non sint vobis cura

Temporis futura,
Quando senex moritur
Infans rursus oritur,

Talis est natura.
Heu, quid diligitur

Haec res transitura,
Cujus cito carpitur

Status et statura?
2. Omnis creatura

Congregando plura,
Timeo, quod perditur,
Vae regno, quod regitur

Per infantis jura.
Simonia colitur

Jam sine mensura,
Si est, sicut dicitur,

Nulla gens secura.

3. Omnis praelatura

Est agri cultura,
Date, vobis dabitur,
Dum corpus corrumpitur,

Sic docet scriptura.
Conforta nos igitur,

Mater Dei pura,
Contra nos arguitur

Quaestione dura.
4. Praecellens o figura,

Tolle noscitura,
Quia per te solvitur
Omne, quod delinquitur,

O virgo mater, cura;
Finis vitae cernitur,

Da gaudia futura,
Vitam, quae non tollitur,

In qua bona plura.