150.

1. Scribere proposui

de contemptu mundano,
Jam est hora surgere

de mortis somno vano,
Zizaniam spernere

sumpto virtutis glano.
Surge, surge, vigila,

semper esto paratus.

Vita brevis breviter
in brevi finietur,

Mors venit velociter
et neminem veretur,

Cunctaque mors perimit
et nulli miseretur.

Surge, surge, vigila,
semper esto paratus.

3. Ubi sunt, qui ante nos

in hoc mundo vixere,
Venies ad tumulos,

si vis eos quaerere,
Cineres et vermes sunt,

carnes computruere.
Surge, surge, vigila,

semper esto paratus.

4. Tela sic aranea

est mundi praesens vita,
Labitur et frangitur.

non est in tuto sita,
Labilis et fragilis

nunc est inexanita.
Surge, surge, vigila,

semper esto paratus.

5. Hoc in mundo nascitur

vir omnis cum moerore,
Atque vita ducitur

humana cum labore,
Post extremum clauditur

cum funeris dolore.
Surge, surge, vigila,

semper esto paratus.

6. Si conversus fueris

nunc quasi puer natus
Et a tuis vitiis

animo purgatus,
Tunc fruique poteris

regno Dei beatus.
Surge, surge, vigila,

semper esto paratus.

7. Quam felices fuere,

qui cum Christo regnabunt,
Facie ad faciem

cum ipsum adspectabunt,
Sanctus, sanctus, Sabaoth,

Hosanna conclamabunt.
Surge, surge, vigila,

semper esto paratus.