164.

1. Tetigit me Dominus,

Tangere qui novit,
Foris tangens protinus

Totum me commovit;
Est nam tactus Domini

Tactus pietatis,
Qui dat plenam homini

Limam pro peccatis.

2. Tange, pietatis pater,
Tange me et ter et quater,

Modo sis propitius;
Tange carnem, tange ossa,
Pone me, si vis, in fossa,

Tantum sis propitius)
Fac ut fila, quae sunt grossa,
Et quae alta, fac sub fossa,

Durent hic perbrevius.

3. Ure, quod est lividum,
Seca, quod est morbidum

Infundendo thura,
Dele, quod est foetidum,
Lava, quod est sordidum

Maternali cura,
Sicca, quod est fluidum,
Tolle, quod est horridum

Totum cum mensura.

i. Sum debilis,
Sum flebilis,

Pie intuere,
Sum fragilis,
Sum labilis,

Certe sic est vere,
Sum gracilis,
Sum fictilis,

Ergo miserere.