179.

De Fide et Veritate.

1. O mores perditos et morum foedera,
Non curant superi, quod agant infera,
Sinistrae manui mentitur dextera,
Nee cavent fraudibus fraterna latera.

2. A primi generis humani stipite,
A solis cardine, a terrae limine,
A mundi finibus exempla sumite,
Nusquam tuta fides, experto credite.

3. Dic, mater, filio dic, sodes, unico,
Dic ubi habitas in hoc exsilio?
An imo vallium, an montis cilio,
An casis pauperum, an regni solio?

4. Olim res fidei, nunc umbra colitur,
Olim sola fides, nunc et fraus fallitur,
Et doli machina dolus repellitur,
In dolo dolus est et dolus tollitur.