186.

1. Pange melos lacrimosum,

Lacrimans elegia,
Tempus venit planctuosum,

Tempus fraudans gaudia,
Ad eclipsim nox moeroris

Obliquat spectacula,
Regnet dolor, nam doloris

Causa stat in specula.

2. Rheni sidus in occasus

Latium praecipitat,
Stella cadit, stellae casus

Terras umbra limitat,
Latet vere Latialis

Plaga timens oculum,
Nox est culpae socialis,

Crimen quaerit angulum.

3. Omnis tellus admiretur

Triste nubis pallium,
Sed sub nocte lamentetur

Rheni supercilium,
Omnis virtus fundat fletus,

Pallas ploret Nestorem,
Vatem plangat vatum coetus,

Lugeat Mars Hectorem.

4. O quam probans argumentum,

Quae sit mundi falsitas,
Quid sit mundus, per eventum

Syllogizat veritas,
Joculatur in jacturis

Constans inconstantia,
Mors tremendi princeps juris

Regnat sine gratia.

1. Nobilitas animi

Sola est et unica,
Virtus dolet opprimi,

Fuit, fuit publica,
Modo sola relinquitur,
Sub tributo redigitur.
Sedens gemit se conteri,
Se desolatam deseri,

Et gemitus

Ejus non est absconditus.

18?.

2. Pro dolor, proditio,

Summa radix criminum,
Prodit in hoc proelio

Vultum gerens geminum,
Simulatrix justitiae
Prima videt facie.
Fovere quam non opere,
Sed verbo curat colere,

Officio

Cum suis servat vitio.