188.

1. In mundo degentium

Multi sunt errores,
Multiplex afflictio

Et corrupti mores,
Matrum parientium

Varii dolores,
Nutrices tolerant

fortuna urgente dolores.
2. Proniores hominum

Sunt ad mala mentes,
Quas divellunt undique

Peccatorum sentes,
Carnis petulantia,

Quos facit amentes,
Sentit adhuc proles,

quod commisere parentes.

3. Indulgentes plurimi

Cibo delicato,
Toto nisu serviunt

Ventri dilatato,
Vivunt sine regula

Ut pecus in prato,
Est quibus in solo

vivendi causa palato.
4. Terrarum possessio,

sacci magnitudo,
Quibus visa fuerit

magna celsitudo,
Berum sugunt copiam

De fortunae ludo,
Non missura cutem

plena cruore hirudo.