197.

2.

1. Ad honores et onera

Corde promptum et corpore
Praesulem, plebs, considera,

Virtutis septum robore;
Vitam ducens sobriam

Honestatis est speculum,
Miram cujus constantiam

Miretur omne saeculum,
Quem praeornatum moribus

Diligendum praeeligant
Pusilli cum majoribus,

Cum pauci gressus dirigant
Ad honores et onera.

Flos Hc et forma praesulum

Membrum ad instar capitis,
Virgam gestans et baculum

Pie praefertur subditis,
Qui praelatus, non elatus
Se ministrum, non magistrum

Considerat,
Qui ut bonus sit patronus,
Plus prodesse quam praeesse

Desiderat,
Et sic quocunque graditur,
Agnum gradatim sequitur,
Flos hic et forma praesulum.

3. Tali tantoque praesule
Felix laetetur civitas,
Immo laetentur infulae,
Quarum per ipsum dignitas

Perseverat inconcussa,
Cleri nec non humilitas
Ad doctoris tanti jussa
Caput inclinet ferulae,
Manum et mentem porrigens,
Se felicem intelligens
Tali tantoque praesule.