304.

1. Quo me vertam nescio,
Dum stricto judicio
Praelatos circumfero,
Dum virtutes pondero
Patrum modernorum,
Tanta subit raritas,
Quod vix unum veritas
Probat meritorum.

2. In praelatos refluit,
Quod a Roma defluit,
Romanis adscribitur,
Quod Romae connascitur
In eis natura,
Notum est de singulis,
Quod mens est in loculis
Et in quaestu cura.

3. O si Roma respiceret

Patrum suorum merita,
Salubrius disponeret

Talenta sibi credita,
Humilitatem coleret

Nube fastus deposita,
Nec spe lucri recederet

A veritatis semita.

i. En cedit iu contrarium,

Nam sanguisugae filiae
Visus caecant sublimium,

Mentes captivant hodie,
Sunt eorum supplicium

Cura, metus, vigiliae
Praeter laborum taedium

Et vermes conscientiae.
5. Terrae, maris, aeris
Cum metus evaseris
Et re salva fueris

Ereptis angustiis,
Ex quo Romam veneris,
Nisi te nudaveris,
Vix absolvi poteris

Curiae naufragiis.
6. Simon cubat januis,
Spem praecidens vacuis,
Simon in assiduis

Laborat contractibus,
Argus circa loculos
Centum gyrat oculos,
Briareus sacculos

Centum tollit manibus.