212.

1. Trinae vocis tripudio

Sonet concors discordia,
Ut lingua, mens et actio

Pari concordent gratia,
Trium dulcore concio

Inebrietur sobria.
R Praesens qui colit gaudium,
Penset aeterni praemium,
In eum conferat

Studium,
Facta qui ponderat

Omnium.

2. Trahunt in praecipitia

Qui nos tenentur regere,

Si qua docent salubria,
Pravo deformant opere,

Frui gaudent potentia
Honoris sine onere.

3. Onus, quod nobis alligant,

Nolunt movere digito,
Hinc est quod eos diligant,

Qui palpant in abscondito,
Hos a secretis abigant,

Qui terrent vitae merito.
R Praesens qui colit gaudium,
Penset aeterni praemium,
In eum conferat

Studium,
Facta qui ponderat

Omnium.

4. Culpa meretur gratiam,

Quam demeretur meritum,

Nam palponum fallaciam
Plus captant aures divitum,

Quam bonorum prudentiam,
Qui dissuadent libitum.

5. Omne cor moerens hodie,
Caput et omne languidum,

Clerus campo licentiae
Vagus ut vulgus sordidum,

Semen legis et gratiae
Solum condit in aridum.