243.

De Ottone IV. Imperatore.

1. Rex et sacerdos praefuit
Christus utroque gladio,
Regnum in ipso floruit

Conjunctum sacerdotio,
Utile dulci miscuit
Et sub figura latuit
Hujus juncturae ratio.

2. Otho, quid ad te pertinet,

Quae te rapit praesumptio?

Cessa, jam casus imminet,
Jam vicina subversio,

Quae reprobum exterminet,

Ut Saulem eliminet,
David fiet inunctio.

3. Exclamat Innocentius:

Laedor, quem feci, baculo,

Conversus iu me gladius,
Cujus cingebar capulo.

Vas est collisum figulo,

Fortior ille vasculo,
Franget ergo fragilius.