246.

1. Alabastrum frangitur
Et lampas exstinguitur,

Dum Philippus exspirat,
Oleum effunditur,
Bethlehem inungitur,

jerusalem respirat,
Cometes praesagium
Regni mutans solium

Mundi solem obscurat,
Ortus hic excidium
Et coma calvitium

Tuum, Sion, figurat.

2. Decalvare, filia,
Lugeat ecclesia

Justitiae cultorem,
Lugeat militia,
Lugeant et studia

Suae pacis auctorem,
Vultus cujus dispares,
Nunc graves, nunc hilares

Pro tempore fuerunt,
Nullos ei compares
Karolos aut Caesares,

Omnes ei cesserunt.

3. Gaudet Dionysius
Et mater Parisius

Non invidet honorem,
Jure suum militem
Martyr habet hospitem,

Quem fecerat victorem;
Augetur in munere
Foenus hoc in funere

Ecclesiae cultori,
Quod regalis dignitas
Et legati sanctitas

Non defuit honori.

Beata nobis gaudia
Reduxit proles regia,

Philippi primogenitus,

Qui patris actis inclitus
Nec laude carens propria,
Post tot laborum taedia,

Post tot felices exitas
Tibi debetur, Gallia;
Regni eujus initia

Tua, Dei tu digitus,
Adspirare clementia

Veni, creator spiritus.