256.

De caede scholarium Aurelianensium.

la. Aurelianis civitas,
Te replevit iniquitas
Novo pollutam scelere,

1b. Annus, qui prius aureus,
Factus torrens sanguineus
Ex innocentum funere.

2a. Sanctae crucis exaltata
Triumphali nomine,
Passione renovata

Fuso cleri sanguine
Sanctum nomen polluisti,
Occidisti servos Christi,
Quos servare debuisti
A turbarum turbine.

3a. Urbs beata Parisius,
In qua si peccet impius,
Ultione redimitur,

Quidquid inique gesserit,

2b. Plange, civitas sanguinum,
Indigna crucis titulo,
Pro gravitate criminum

Digna crucis patibulo,
Nomen perdis sanctae crucis,
Digna cruce poenae trucis,

Capitali piaculo.

3b. Studio locus proprius,
Civis clero propitius,
Ad quam redire cogitur,
Quisquis ab ea fugerit.

35?.

Laus Galliae.

1. De rupta rupecula
Grata fluunt pocula,

Cirrhae propinat Nysa,
Ad Cirrhaeum verticem
Nysa Bacchi calicem

Rupe mittit excisa'';
''Deo sapientiae
Deus placet copiae,

Phoebus Baccho laetatur,
Nihil congruentius,
Quam quod sic Parisius

Parnassium mutatur.

2. Pictavorum idolum
Non expavit Carolum

Et tremit Ludovicum,
Damnat civem subdolum,
Desertorem dyscolum,

Accusat Savaricum,
Dicens, castrum nobile,
Forte, firmum, fertile

Quid potuit timere?
Castrum nulli simile
Fecit expugnabile

Varietas pantherae.

3. Terra Bacchi Francia,
Moysis est Anglia;

Quid, de rupe vinosa
Attinet ad Angliam?
Fluat haec ad Franciam,

Ad hanc rupes aquosa.
Quidquid ipsa maria
Limitant confinia

Magnum chaos firmatur,
Angliae cervisia
Lyaei laetitia

Franciae superatur.