Migne Editors, Ordo Epistolarum Secundum Temporum Rationem Distributarum Asseritur

Alteram classem epistolarum in Admonitione trifariam divisam fore indicavimus, nimirum in eas epistolas vel quae de Scripturis edisserendis, institutae sunt, vel quae in serio aliquo versantur argumento, vel ad postremum quae familiaris urbanitatis atque officii significationes tantum continent.

Prima series epistolis omnino tredecim constat, de quibus illud est admonendum, eam scilicet quae in aliarum fronte ponitur, et inscribitur ad Irenaeum, non incommode subjici potuisse epistolae XXVII. Utraque enim et eidem Irenaeo, et in locos ejusdem 0867B libri Exodi scriptae fuerunt.

Similiter etiam LXX ^a et LXXI ^a quae datae sunt ad Horontianum, et quibuscum animae in peccatum delapsae ad bonam frugem atque virtutem reditus, tum varii ejusdem in virtutis itinere progressus aperiuntur; epistolae XXXIV, in qua ad eumdem Horontianum de ejusdem animae spiritualitate disputatur, jungi poterant: si ex sola hujusmodi affinitate idoneum duci argumentum judicassemus tempori asserendo.

LXXI ^a quae Constantio inscribitur, varias diluit, quae ab ethnicis atque haereticis circa institutionem abrogationemque circumcisionis proponebantur difficultates. Cum autem ea tempestate tres Constantii, episcopali dignitate omnes ornati reperiantur, nempe 0867C Arausicanus, Scisciensis, atque alius sedis incertae, quemadmodum a nobis in Acta concilii Aquileiensis observabitur, non facile definiatur ad quem illorum, immo vero num ad illorum omnino ullum destinata sit. Huc tamen nos propendemus magis libenter, ut ad eumdem scriptam putemus, ad quem et secunda hujus 0868A editionis missa fuerat. Cum enim hic Constantius sanctum Doctorem, sicut vidimus, non secus ac patrem de vitae suae institutione, atque muneris administratione consuluerit, verisimile est eum Ambrosio, si quid aliud obortum fuerit difficultatis, proponere non dubitasse. Haec porro epistola melius alibi collocari posse non videbatur quam isto loco, quippe quae partim ad antiquum foedus, in quo circumcisio instituta est, partim ad novum, in quo eadem est abrogata, referri possit.

Denique LXXIV ^a et LXXV ^a varias epigraphas in fronte gerunt, ut alibi commodius dicetur. Id vero tantum hoc loci non silebimus has duas epistolas, quantum ex orationis genere conjici potest, ipso Ambrosiani episcopatus initio datas fuisse; quando 0868B videlicet volvendis operibus Origenianis maxime incumbebat sanctus Antistes.

Secunda series hujusce classis octo epistolas tantum exhibet, sed omnes magnis de rebus gravique stylo elucubratas. In his quippe modo novi foederis dignitatem antiquo praecellere ostendit Ambrosius, modo ad maturanda baptismi sacramenta pic hortatur. Alibi clericos animo despondentes in officio confirmat, alibi qua ratione familiarum consulendum sit tranquillitati, verbo et exemplo juxta declarat. Alibi demum sancte justeque facta atque consulta non sinit privari laudibus suis. Cum autem in iisdem epistolis nihil occurrat, quod non aptius in notis ad illas edisseratur, pluribus modo supersedemus.

0868C Tertia series aliis cedit tam paucitate ac brevitate epistolarum, quam gravitate. Non enim ea continentur nisi septem epistolia, familiari stylo ad amicorum nonnullos scripta: sed quae tamen non tantum Sancti: urbanitatem, verum etiam in honestis jocis amoenitatem patefaciunt.