30. Oratio de Beata Virgine ad modum serti facta.
47. Oratio ad beatam Mariam V.
54. Oratio ad beatam Mariam V.
59. Oratio ad beatam Mariam V.
74. Oratio ad beatam Mariam V.
75. Oratio ad beatam Mariam V.
86. Oratio ad beatam Mariam V.
87. Oratio ad beatam Mariam V.
94. Oratio ad beatam Mariam V.
97. Oratio ad beatam Mariam V.
103. Oratio ad beatam Mariam V.
143. Oratio ad beatam Mariam V.
152. Oratio ad beatam Mariam V.
158. Oratio ad beatam Mariam V.
169. Oratio ad beatam Mariam V.
175. Oratio ad beatam Mariam V.
176. Oratio ad beatam Mariam V.
1. Ave, maris stella clara,
Praeeleota patris cara,
Almi sponsa spiritus.
2. Ave, mater summi regis,
Miserere tui gregis,
Nato reconcilia,
Ave, splendor prophetarum,
Regina patriarcharum,
Angelorum domina.
3. Evangelistarum doctrix
Et apostolorum ductrix,
Confortatrix martyrum,
Plenitudo confessorum,
Solamen universorum
Et corona virginum.
4. Ave, virgo, decus mundi,
Pelle dolos furibundi,
Mater invictissima,
Patriarcharum filia,
Odore vincens lilia,
Aurora pulcherrima.
5. Egressa stirpe regia
De David egregia,
Puella nobilissima,
Concepta sine macula,
Serpentis fugas iacula,
Era potentissima.
6. Ave, virgo, mater Christi,
Solo verbo concepisti,
Sponsa praeclarissima,
Deum verum genuisti,
Quem sincere nutrivisti,
Parens sacratissima.
7. Sola nam es verbigena,
Manna caeli urna plena,
O speciosissima,
Gaude, virgo gratiosa,
Mater prole generosa,
Radix fecundissima.
8. Sola tu fuisti digna,
Dei filium, benigna,
Gestare, electissima,
Conclave tu trinitatis
Cellulaque deitatis,
Virtutum plenissima.
9. Porta clausa, fons hortorum,
Restauratrix perditorum,
Mater benignissima,
Tu caelestis paradisus
Libanusque non incisus,
Virgo clementissima.
10. Hortus es vere conclusus,
Incombustus Mosis rubus,
Genetrix dulcissima,
Fons uberrimus signatus
Flaminique sancto gratus,
Maria purissima.
11. Tu flos campi convallium
Et singulare lilium,
Virgo serenissima,
Viventis aquae puteus,
Circulus solis aureus,
Regina clarissima.
12. Tu thronus es Salomonis,
Te collaudat sexus omnis,
O gloriosissima,
Tu convallis es humilis,
Es terra non arabilis,
Maria castissima.
13. O virga Iesse florida
Et porta lucis fulgida,
Stella lucidissima,
Tu sol luna lucidior,
Maria [cunctis] dignior
Et pretiosissima.
14. O virgo caelis altior,
Omnibus stellis clarior,
Mater ornatissima,
Abysso tu profundior
Sanctisque cunctis sanctior,
Maria sanctissima.
15. Laudem praefers singularem,
Nec in caelis habes parem,
Virgo spectatissima,
Gloria humani generis,
Pargatrix omnis sceleris,
O matrona altissima.
16. Tu maestorum consolatrix
Lapsorumque relevatrix,
Spes nostra suavissima,
O Christi mater, ave,
Dele nostrum crimen grave,
Misericordissima.
17. Accipe melos hoc suave,
Precanti veniam fave,
Domina piisima,
Ave, Dominus est tecum,
In adversis tu sis mecum,
O benedictissima.
18. Ave, paradisi porta,
In exsilio conforta
Nos lapsos, mitissima,
Esto, mater illibata,
Miserorum advocata,
Virgo prudentissima.
19. Assistentes tuae laudi
Propitia nos exaudi,
Maria dignissima,
In hac tu necessitate
Rigidaque tempestate
Iuva. dilectissima.
20. Ne Simonis navicula
Et filii tunicula
Scindantur, carissima,
Ac haereses interime
Haec schismataque reprime,
O mater suavissima;
Tunc impetra, quod gaudia
Possideamus caelica,
Maria largissima.