85. De beata Maria V.

Laudes sacrae virginis
Mariae vox canat humilis,
Haec est melliflua,
Omnibus favens sedula,
Oliva gratiae,
Mater misericordiae.
Regina caelorum,
Disciplina morum,
Spes miserorum,
Vera lux sanctorum,

Flos florum,
Refugium peccatorum,
Culparum remissio,
Virtutum augmentatio,
Invicta protectio,
Triumphantium gloriatio.
O virgo nobilis,
Orta stirpe Davidis,
Succurre miseris,
Pro peccato perditis,

Noxam purgans sceleris.

Sponsa laudabilis,

Dei atque hominis

Parens mirabilis,
25. Nulli comparabilis,

Caelestis genetrix luminis,

Vales prae omnibus

In virtutibus cunctis.

Plena charismatibus,
30. Tu es martyribus,

Confessoribus sacris

Stuporque virginibus.

In caelis tu singularis

Gloriaris
35. Et a superis

Veneraris

Et in terris

Ab humilibus salutaris.

O magna, maior, maxima,
40. Gloriosissima Maria

Virgoque prudentissima,

Mater suprema,

Omni laude dignissima,

Confer vitae sanctitatem,
45. Puritatem mentis,

Corporis sanitatem,

Auge fidem,

Spem tribue,

Nobis influe
50. Caritatem perfectam

Et duc ad gloriam

Post praesens exsilium,

Ut nos tuum filium

Iesum laudemus per aevum.