140. De beata Maria V,

Salve, regina, mater divina deicolarum,
Es matutina stella marina, lux animarum.
Palma tis freta, sertis impleta illas coronat,
Quaeque plus laeta aetheris meta cantica sonat.
Nostra spes dulcis, lassis hiulcis cimus te foris,
Mortis ut sulcis trahas, quae fulcis nos iunctos loris.
Iterum salve, iterum valvae nunc paradisi
Sese dehiscant, nunc resipiscant in te confisi.
Heus, eia, ergo te sine vergo ad ima terrae,
Ima maeroris, da vi amoris culpas auferre.
Hac taetra valle, flebili calle respice cunctos,
Oculos verte, ad nos converte corde compunctos.
Pons gratiarum largifluarum, nympha superna,
Illa nos rora, nostra peiora, claudis inferna.

15. Te, advocata hominum, fata felicitarunt,

Quando beata membra tis grata Christum portarunt.
Exsules mundo labis immundo confove dextra,
Divites fundo caeli iucundo victa palaestra.
Ostende natum ab alto datum, Messiam missum,

20. Quem princeps vatum agnum beatum prodidit ipsum,
Hic vita, via, vera sophia, quo sublimamur,
Per te nos, pia virgo Maria, illo beamur.