56. De beata Maria V.

1. Gaude, casta mater Dei,
Decus mundi, lux diei,

Angelorum gloria,
Porta patens, aula caeli,
Quae fideli Gabrieli

Credidisti nuntia.
2. Deo patri placuisti,
Dum ancillam te dixisti,

Virgo clementissima,
Salvatorem concepisti
Et intacta permansisti,

Virgo prudentissima.

3. Regem regum tu Iactasti,
Hic te fecit, quem portasti

Tuis in visceribus ;
Inter omnes collaudans
Benedictaque vocaris

Tu in mulieribus.
4. Fidem sola conservasti,
Morientem, quem portasti,

Tu vidisti, Maria ;
Temporalem pertulisti
Mortem, virgo, dum vidisti

Vexilla regalia.

5. Virgo mater pietatis,
Fidem sanctae trinitatis

In nobis corrobora,
Ne post sensus naturales
Inimici speciales

Nostra premant pectora.