63. De beata Maria V.

1. Gaude, plaude, clara rosa,
Esto maesto cara prosa,
Salutanti, supplicanti,
Te roganti dic amanti:

In Christo te servavero.
Colens volens te sentire,
Quod sis praesens, fac me scire,
Intuentem intuere,
Sinum tuum da patere,

Me totum tibi offero.

2. Gaude, mea speciosa,
Cui clamo: Rosa, rosa,
Pulchra nimis et formosa,
Super omnes amorosa,

Tu sola sine compare.
Gaude, mea tu dulcedo,
Vere dulcis plus quam medo,
Tu cor meum dulcorare
Et me dehes debriare

Voluptuoso nectare.
3. Gaude, cuius ad aspectum
Meum patet imperfectum,
Hoc tu, pia mater, vides,
Vides quidem nec derides,

Misericors compatiens.
Ad me vultu vide laeto,
Cum te clamans inquieto,
Da despecto, da neglecto,
Quod affecto, quod exspecto

In multis insufficiens.
4. Gaude, felix et decora,
Gaude, gaude omni hora,
Cuius amor caret felle,
Plus dulcescit omni melle,

Quo nihil sapit dulcius.
Gaude, cuius vultus ridet,
O quam felix, qui hunc videt,
Hunc qui videt, admiratur,
Gaudet, ardet, inflammatur

Amore tui saucius.
5. Gaude, mea mediatrix,
Mea sola consolatrix,
Mea mater et amatrix,
Mei hostis expugnatrix,

O felix, quem inhabitas.

Gaude semper et exsulta,
Auro, gemmis bene culta,
Mea mens ad te suspirat,
Qui non amat te, delirat,

O amor, o amoenitas.
6. Gaude laeta sine meta,
Mitis, suavis et quieta,
Eia, cara mater, vide,
Vide me in tua fide,

Te diligentem dilige.
Gaude, festum cordis mei,
O festiva sponsa Dei,
Quod de corde meo meat,
In cor tuum, fac, ut eat,

Huc aurem tuam porrige.
7. Gaude, cuius post odorem
Cor movetur ad amorem,
Foves illud, ne frigescat,
Moves illud, ne lentescat,

Dicens: tamen non curritis?
Gaude, cuius vox est illa,
Quae nos lactat ut mamilla:
Ad me omnes vos transite,
Me gustate, me sentite,

Vos, qui me concupiscitis.
8. Gaude, quae ad tuos clamas,
Quos ut pia mater amas;
Ego mater sum amoris,
Magnae spei et timoris,

Et caritatis speculum.
Gaude, pura tu puella,
Dominantis domicella,
Cuius tuto sub mantello
Nullus timor est misello,

Sed timido latibulum.
9. Gaude, mater, quam qui audit,
Contra carnem aurem claudit,
Quam audire nulli grave,
Quam sentire o quam suave,

Tu omnibus es omnia.
Gaude, festa, nunquam maesta,
Tu honesta, tu modesta,
Gaude, gaude, bona mater,
Cum qua gaudet Deus pater,

In cuius gaudes curia.

10. Gaude, gaudens sine fine,
O magistra disciplinae,
Cuius scholam frequentare,
Cuius virgam supportare

Non gravat tuos filios.
Gaude, valde diligenter
Diligentes te ardenter
Si quid errant negligenter,
Nescienter aut scienter

Fac poenae, culpae nescios.

11. Gaude plus quam vehementer,
Te amamus tam libenter,
Salutamus tam frequenter,
Veneramur reverenter,

Attende, o carissima.
Gaude pro maerore tristi,
Quem in morte Iesu Christi
Illa dura in tortura
Et clavorum in fixura

Tulisti, amantissima.

12. Gaude, clara multis signis,
Cuius amor globus ignis,
Lampas ardens, fax, scintilla,
Tu insignis, tu pusilla,

Tu talis, qualem quaerimus.
Gaude, cuius dulcis amor
Est in corde fortis clamor,
Qui dum praesens experitur,
Cor et pectus aperitur,

Aegrotat ardens animus.

13. Gaude, suavis, amorosa,
Consolatrix fructuosa,
Sapis nobis o quam bene,
Cuius venae melle plenae,

Dulcedo iubilantium.
Gaude, virgo verecunda,
Rubicunda, laetabunda,
Cuius vultum quisquis videt,
De te gaudet, de te ridet,

Nam formas vincis omnium.

14. Gaude cum his, qui te amant,
Tibi gaude qui proclamant,
Quorum cor te contemplatur,
Complexatur nec vexatur,
Sed totum in te rapitur.

Gaude, gaude dico tibi,
O quam dulce est, quod bibi,
Qui te quaerit, nunquam perit,
Quem tu amas, tuus erit,
Quam felix, qui te sequitur.

15. Gaude, cuius a fervore
Cor ebullit in amore
Quod a motu vix quiescit,
Ingemiscit, si frigescit,

Quem tangis, ardet dulciter.
Gaude mecum tu in mente,
Tecum ero te favente,
Non inanem me transibis,
Immo in me tota ibis

Mansura mecum iugiter.

16. Gaude, rosa speciosa,
Super rosam tu formosa,
Tu es rosa singularis,
Sola rosa tu vocaris,

Tu Ulium et viola.
Gaude, suavis, plena favis,
Blanda caris, nulli gravis,
Cordi meo coniungaris
Et cor meum adloquaris,

Nam ardet iam ad oscula.

17. Gaude, pura creatura,
Gaude, semper gavisura,
Pulchra nimis intus, foris,
Fons dulcoris, fax amoris,

Et pectoris incendium.
Gaude, laude infinita
Redimita margarita,
In regali throno sita,
Tuus amor mea vita

Et cordis desiderium.

18. Gaude, tota purpurata,
Vivis stellis constellata,
Tu caelorum es praelata,
Elevata non elata,

Subiecta regens aethera.
Gaude, cuius in corona
Perfectorum lucent dona,
Cuius splendor est ut ignis,
Cuius honor est insignis,

Quis posset fari cetera?

19. Gaude, cuius in aspectum
Vivit amor in defectum,
Cordis mei patet bulla,
Cuius scatet iam medulla,

O cara, veni, propera.
Intra meum vile tectum,
Tuum tecum fer dilectum,
In me tuum sterne lectum,
Quia meum scis affectum,

Te diligo, considera.

20. Gaude, cuius ardet sinus,
Inde lucet sol divinus,
Tuos caros huc invita,
Mei tamen non oblita

Tu trahe me, non altera.
Dulce nimis est, quod sapit,
In quo tuus amor capit,
Lingua carnis obmutescit,
Clamor cordis non quiescit,

Mens languet amorifera.
21. Gaude nunc, dilecta mea,
Cuius vadunt in chorea
Omnes tui speciales,
Speciosi curiales,

Qui tuum canunt canticum.
Gaude, dulcis philomena,
Cuius vox amore plena,
Tua suavis cantilena
Laus sanctorum est amoena

Et gaudium angelicum.
22. Gaude, clara lux solaris,
Quae nos quaeris , ut quae-

raris,
Lassos pie praestolaris,
Accurentes amplexaris

Compassionis brachio.
Ad te vado corde laeto,
Tibi loquor in secreto
Hoc, quod peto, mihi dabis,
Temet ipsam non negabis,

Ut dixi: ecce, venio.
23. Gaude, semper pia, gaude,
Habe me in tua laude,
Mire gaude, gaude mere,
Iube tecum me gaudere,

Gaudentium materia.

Gaude, gaude, modo miro
Tu es mater sine viro,
Te amantem audi, precor,
Sine causa te non sequor,
O dulcis amicitia.

24. Gaude propter illud Ave
Cordi meo tam suave,
Totus manet Deus tecum,
Tota secum, tota mecum

Et mea tecum anima.
Gaude, cuius cor oblectat,
Quod te nostra mens affectat,
Salutata gratularis,
Assum, dicis, dum vocaris,

O mater amantissima.

25. Gaude, fons qui non siccans,
O quam suavis, dum gustans,
Tuus rivus amor vivus,
Per medullas transitivus,

Beatus, quem inebrias.
Te qui bibit, non peribit,
Nam amare quis te quibit?
Te qui edit, non abscedit,
Sitibundus sponte redit,

Me foras non eiicias.

26. Gaude, mea dives era,
Tota mea spes revera,
Audi me in veritate
Et in vera caritate,

Da totum, quod desidero.
Vives, vives, semper dives,
Cuius clari sunt concives,
Is, qui dicit tibi gaude,
Semper tecum sit in laude

In electorum numero.

27. Gaude, sedens in decore,
Semper ardens in dulcore,
Cuius vultum concupiscunt,
Qui amare semper gliscunt

Te solam et non aliam.
Gaude, rosis coronata,
Omni flore purpurata,
Cuius fulvum indumentum
Est caelorum ornamentum,

Decorans caeli curiam.

28. Gaude vernans paradisus,
In quo viret noster visus,
In quo surgit flos decoris,
De quo fluit fons dulcoris

Et omne, quod est optimum.
O amoena vitae vena,
Languet mea mens egena,
Nil est valens te non habens,
Perit valens male tabens,

Frigentem fove animum.

29. Gaude, cara, valde clara,
Tu Maria, non amara,
Mihi, precor, applicare,
Et quam dulcis sis, appare,
Nam satur est, quem satias.
O regina, sis vicina,
O dilecta, non declina,
Temet ipsam non absenta,
Me frequenta et sustenta
Nec debilem proicias.

30. Gaude, mater, ad te curro,
Tu ausculta, quod susurro,
Ave, gaude tibi clamo,
Te, ut possum, totus amo
Et cum omnibus viribus.
Ante thronum, o decora,
Dulcem prolem pro me ora,
Quod rogaris, prosequaris,
Datur tibi, quod precaris
Prae angelorum milibus.

31. Gaude, mea procuratrix,
Peccatorum excusatrix,
Meas sordes terge, lava,
Tege, dele facta prava,

Da caste, munde vivere.
Gaude, virga nunquam arens,
Aret autem tui carens,
Tuo florens in amore
Stet cor meum in virore,

Te meditetur libere.

32. Gaude, clara stella maris,
Mater magni luminaris,
Rotam solis specularis,
Trinum Deum contemplaris
In omni pulchritudine.

Tu in Deo vere tota
Fixa manens et immota,
Deum vivum intuere,
Quem iucundum est videre
In suo claro lumine.

33. Gaude, lux indefectiva,
Tenebrarum expulsiva,
Nutritiva caritatis,
Christi caris cara satis,

Supra modum amabilis.
Gaude meum favens audi,
Hoc inscribe tuae laudi,
Ut sit dulce, ut sit suave
Tuum ave, mihi fave,

Mater desiderabilis.
34. Gaude, parens carens pari,
Quae sit digna sic amari,
Quam amarem, ad quam irem,
Tam suavem cum te scirem,

Quae nullam habes similem.
Gaude, mundi clara dies,
Cordis mei grata quies,
Ne te amen sine causa,
In hac nocte mecum pausa,

Da mentem castam, humi-
lem.

35. Gaude, rosa caritatis
Admirandae suavitatis,
Toto corde complectenda
Et nequaquam dimittenda,

Sed salutanda dulciter.
O dilecta, meum lectum
Purga purum per affectum,
In quo simul collocemur
Et in Christo conectemur

Ardenter et sinceriter.
36. Gaude, gaude, cara mea,
Mentem sanctam in me crea,
Ut sopiti cordis vapor
Sit amoris dulcis sapor

Et suave desiderium.
O iucunda, me circumda,
Caritatis manu munda,
Ut amare te assuescant
Et amando non quiescam,

Te mihi da in praemium.

37. Gaude, gaude tota mecum,
Audi, audi vota precum,
Gaude, gaude plus quam satis,
Laudes meae parvitatis

In tuis clament auribus.
Cara, mecum requiesce
Et ut sol in me diesce,
Tibi totum me commendo,
Tu excusa, quod offendo
Diebus atque noctibus.

AdminBookmark

Gaude, mea specialis,
Pulchra, suavis, curialis,
Non est tanta nec est talis,

Tu omnium pulcherrima;

Ave, mater, audi, cara,
Sancta parens, aurem para,
Salutanti, supplicanti,
Te roganti, te amanti
Tu esto semper proxima.

AdminBookmark

D. Gaudens ibique, Maria,
Es cum trinitate pia
Et omni choro sanctorum,
Haec corda movet tuorum
Et me, qui te desidero.

F. Ex quo nunquam es, Maria,
Absque trinitate pia
Et praeclara es sanctorum,
Move corda famulorum
Et meum, ut desidero.

AdminBookmark

Tu imago Dei viva,
Sanctitatis expressiva,
Vultum tuum rosulentum,
Adorantem, luculentum
Recogito, considero.

Vellem, vellem te sentire,
Quod sis praesens, fac me scire,
Tuam aurem huc inclina,
Caeli mitis es regina,
Me totum tibi offero.

AdminBookmark

AdminBookmark

AdminBookmark

38. Gaude, virgo principalis,
Atque decor virginalis,
Per quam amor emicuit
Et in mundo floruit

Ut lilium inter spinas.
Gaude, virgo, decus moris,
Cuius nomen est flos floris,
Amoris flos et gaudii,
Flos aeterni palatii

Flagrans super angelicas[!]

39. Gaude, decus ecclesiae,
Mater misericordiae,
Virgo mitis et benigna,
Sola bona, sola digna

Omni laude et honore.
Gaude, regina nobilis,
Virgo incomparabilis,
Cuius corpus est puritas,
Novitatum novitas,

Salvans omni tempore.

FG schliefsen mit den Versen:

O fons dulcoris, rutilans pia virgo Maria,
Omnibus his horis suavis haec tibi sit melodia.

AdminBookmark