110. De beata Maria V.

1. O Maria, virgo pia,
Plena Dei gratia,
Inter Deum et me reum,
Precor, ut sis media.

2. Virgo sancta, mater casta,
David proles inclita,
Pia prece me a faece
Peccatorum suscita.

3. Ille ductor et instructor
Assit mihi spiritus,
Qui te mundam et fecundam
Fecit esse caelitus.

4. Illa, inquam, ne delinquam,
Me conservet gratia,
Qua, qui flevit, te replevit,
Inter tua brachia.

5. De mortalis vitae malis
Me dignanter erue
Et post mortem fac consortem
Quietis perpetuae.

6. In hac vita sic me dita
Donis spiritalibus,
Dando pignus, quo sim dignus
Gaudiis caelestibus.

7. Pro meorum propinquorum
Te salute postulo,
Ut Iactentur et solventur
Ab omni periculo.

8. Virgo lenis, a terrenis
Munda nos affectibus
Et cunctorum peccatorum
Nos absolve nexibus.