158. Oratio ad beatam Mariam V.

1. Salve, virgo mater Christi,

Pro me natum supplica,
Quem Iactasti, quem fovisti

Sibi praebens ubera,
Morientem quem vidisti

Pro nostra miseria,
Peccatori mihi tristi,

Ut donet remedia.

2. O Maria languidorum

Dulcis consolatio,
Tu adiutrix miserorum,

Mihi sis protectio,
Miseratrix miserorum,

Ad te miser fugio,
Tolle pondus peccatorum,

Quod indignus profero.

3. Imperatrix reginarum
Dulcis et mitissima,

Flos et gemma puellarum,
Mihi sis propitia

In hac valle lacrimarum

. . .

Crimen feci et non parum,

Miserere, domina.
4. Ego miser vixi male

Peccans super numerum
Et pro culpis infernale

Merui supplicium,
Nunquam tamen feci tale

Neque tantum vitium,
Quin mi posses aeternale

Largire remedium.

5. Sed non vis, quod moriatur

Peccator pro crimine,
Immo vis, ut convertatur

Et vivat perpetue,
Ergo per te largiatur

Munus indulgentiae
Spatiumque concedatur

Verae paenitentiae.
6. Vale, mater, tu impende,

Quod sit necessarium,
Hora mortis metuendae

Fer mihi auxilium,
A gehennae me defende

Malignorum daemonum,
Me duc tecum et ostende

Mihi tuum filium.