61. De beata Maria V.

1. Gaude, mater, vitae portus,
Ex qua mundo sol est ortus,

Qui salvavit saecula,
Virgo semper tu fuisti,
Virgo Deum genuisti
Sine viri copula.

2. Salve, per quam aperitur
Caeli porta et finitur

Mundana tristitia,
O quam bonum idem Ave,
Quam praeclarum, quam suave,

Per quod datur gratia.

3. Ave, summi mater regis,
Quae cum nato cuncta regis

Mira cum potentia;
Ave, quae cares simili,
Isti catervae debili

Sis semper propitia.

4. Per te, virgo, conferatur
Nobis salus, concedatur

Peccatorum venia ;
Pie Iesu piae matris,
Dona nobis regna patris

In caelesti gloria.