125. De beata Maria V.

1. O virtutum speculum,

Regina caelorum,
Christi receptaculum,

Salus anxiorum,
Tutum propugnaculum,

Sanatrix languidorum,
Audi conquerentium

Preces famulorum.

2. Et pro nobis miseris

Deum deprecare,
Nam, quidquid volueris,

Vales impetrare,
Summa nos necessitas

Cogit te rogare,
Quos in fluctu positos

Saevum pulsat mare.
3. Imperatrix omnium,

Doce, quid agamus,
Qui sub gravi criminum

Mole desudamus,
Nobis semper praevium

Esto, ne cadamus
Et declina devium,

Sic nunquam erramus.

4. Eia, mitis et benigna,

Nostri miserere,
Omni laude prorsus digna,

Si vis, potes vere,
Reparatrix et salvatrix

Desperantis animae,
Irroratrix et largitrix

Spiritalis gratiae.
5. Nam requiro, quod suspiro,

Mea sana vulnera
Et da menti te poscenti

Gratiarum munera,
Ut sim castus et modestus,

Dulcis, fortis, sobrius,
Pius, rectus, circumspectus,

Simulatus nescius.
6. Timoratus et ornatus

Sacris aedificiis,
Eruditus et munitus

Divinis eloquiis,
Constans, gravis et suavis,

Benignus, amabilis,
Simplex, purus et maturus,

Patiens et humilis.

7. Corde prudens, ore studens
Veritatem dicere,
Malum nolens, Deum colens
Pio semper opere.