149. De beata Maria V.

Salve, sancta parens, pia virgo, snperbenedicta,
Omni labe carens, quae lumine solis amicta,
Lunae sub plantis calcans iubar irradiantis,
Sertum de stellis prae virginibusque puellis,
5. Regia matrona, geris, alma puerpera Christi.
Hic, elegisti, tua quod veneretur icona,
Per tua condigna miracula, virgo benigna.
Me tibi consigna Satanae de fraude maligna,

Tu matrona bona, tu glorificata beata,

10. Tu speciosa rosa, tu mater amoris, honoris.
O fons dulcoris, caeli regina superna,
Me prece materna tuearis in omnibus horis.
Mater humillima, spes, miseratio certa reorum,
Mystica cella, benigna puella, suavis, amoena,

15. Lumine plena, decora, serena, maris quoque stella.
Virgo sacrata, per astra levata, Deo sociata,
Sis miserata mei, pia, grata Davidica nata.
Diva propago, dulcis imago, floriger hortus,
In maris undis valde profundis ancora, portus.

20. Fons bonitatis semper inundans, vas pietatis,
Prorsus abundans, cum deitatis pace iucundans.
Auxiliatrix, induperatrix, alleviatrix,
Sis medicamen, da relevamen, pelle gravamen.
Amen, implores, ores, ut gaudia caeli

25. Heli det, dia, diadema mihique, Maria.