127. De beata Maria V.

Pulchra Maria, serena Maria, benigna Maria,
Dulcis alumna, superna columna, decusque perenne,
Tela maligna repelle, benigna, metumque gehennae,
Nostra mamilla Deique papilla, nostri miserere.
5. Quae fugienda mihique cavenda, diu tenuere
Dira cupido, caeca libido, regnas ubique,
Quisque malorum quemque bonorum tractat undique.
Casta virago, sancta propago, corripe natos,
Aula pudoris, mater honoris, protege sanos.

10. Lux orborum, dux claudorum, dirige justos,
Os mutorum, spes cunctorum, sis mihi custos.
Sis dilectrix, sis protectrix, sis mihi mater.
Pulcher Iesus, dulcis Iesus, sis mihi frater.
Pulchra puella, venusta puella, puella colenda,

15. Virgo iucunda Deoque fecunda nimisque stupenda,
Fac me fortem vincere mortem spiritualem,
Tolle timorem, pelle dolorem perpetualem.