191. De beata Maria V.

Virtutum cella, virgo Maria, vale.

Ore salutata tu Gabrielis, ave.

Christum concipiens pneumatis arte, vale.

Tu decus Elisabeth lausque Iohannis, ave.
5. Magnificas facientem tibi magna, ave.
Postquam prodisti, gaudens, donec peperisti.

Pellens omne grave, virgo suavis, ave.

Virgo Deum generans, inclita mater, ave.

Eiusdem nutrix dulcis et alma, vale.
10. Corde gerens verba gestaque partus, ave.

Laudat quam Simeon Annaque, pura, vale.

Nati considerans signa potentis, ave.
Post ortum Christi mortem crucis usque vidisti.

Egi quidquid male, laeta remitte, vale.
15. Quam redimit nati mors pia nosque, vale.

Gaudens quod victor carne revixit, ave.

Scandentem cernens astra serena, vale.

Quam cum discipulis pneuma replevit, ave.

In throno residens glorificata, vale.
20. Post mortem Christi, donec caeleste subisti

Regnum, laeta fave tu mihi, mater, ave.
Stella maris, mater virgo, nos protegas a vae.

Quam Deus ipse pater sic decoravit, ave.