48. De beata Maria V.

1. Cor ad instar philomenae
Gaudens amet et amoene

Laudet matrem Domini,
Sonent voces ut sirenae,
Modulentur et serenae

Solvant laudes virgini.

2. Haec est porta paradisi,
Vas virtutis, vas obrizi,

Manna servans caelicum,
Haec est arca testamenti
Continentis et contenti,

Typum gerens mysticum.

3. Haec est rosa puritatis,
Lilium humilitatis,

Epicinum gratiae,
Haec est fomes caritatis,
Fons et rivus puritatis,
Antidotum veniae.

4. Haec est summa sanctitatis,
Summo gradu dignitatis

Mater regis gloriae,
Haec est decus honestatis,
Post decorem deitatis

Decor caeli curiae.

5. O caelestis philomena,
Vernans, amans et amoena

Dilecti phylacium,
O paradisi sirena
Mente modulans serena

Seraphinum gaudium !

G. Stella maris, Maria,
Portus paris nescia,

Sola spes post filium,
Tu transfer duce gratia
Nos ad beata gaudia

Post carnis exsilium.