45, De beata Maria V.

1. Benedicta

regina virginum,
In qua sine

concursu seminum
Homo verus

fit factor hominum.

2. Virgo viri nescia,

Parens expers paris,
Tu filii filia,

Nata patrem paris,
Ad filium praevia
Duc nos, stella maris.

3. Cordis amor, oris clamor

Matrem laudet, per quam gaudet
Omnis homo se de domo
Servitutis ad salutis
Statum renovatum.

4. Stirpe David genita,

totum me, virgo, tibi do,
Per te sit domita

dominans in carne libido.

5. Eva, parens saeva,

fundens in prole sua vae,
Illud ave suave,

per quod convertitur Eva.

6. Virgo Maria, ave,

misero, qui te rogat a vae,
Orantique fave,
qui tibi mittit ave.

7. A me tolle grave

peccati pondus et a vae
Illi, virgo, cave,
qui tibi mittit ave.