155. De beata Maria V,

1. Salve, virgo benedicta,
Quae fugasti maledicta,
Salve, mater altissimi,
Agni sponsa mitissimi.
2. Tu serpentem evicisti,
Cuius caput contrivisti,
Cum nati per infantiam
Hostis frangis potentiam.
3, Tu caelorum imperatrix,
Tu terrarum reparatrix,
Ad quam suspirant homines,
Quam nequam tremunt dae-
mones,
4. Tu fenestra, porta, vellus,
Aula, domus, templum, tellus,
Virginitatis lilium
Et rosa per martyrium.

5. Hortus clausus, fons hortorum,

Sordes lavans peccatorum,

Inquinatos purificans

Et mortuos vivificans.

6. Dominatrix angelorum,

Spes post Deum saeculorum,
Regis reclinatorium
Et deitatis solium,

7. Stella fulgens orientis,
Umbras fugans occidentis,
Aurora solis praevia
Et dies noctis nescia.

8. Parens nostri tu parentis
Et genetrix nos gignentis,
Pia matris fiducia,
Patri nos reconcilia.

9. Ora, mater, Deum natum,
Nostrum solvat ut reatum
Et post concessam veniam
Det gratiam et gloriam.