24. De beata Maria V.

1. Ave, mundi spes Maria,
Ave, mitis, ave, pia.
Ave, plena gratia,
Ave, virgo singularis,
Quae per rubum designans
Non passum incendia.

2. Ave, rosa speciosa,
Virgo nimis generosa,
Ave, Iesse virgula,
Cuius benedictus fructus,
Iesus Christus, nostri luctus
Relaxavit vincula.

3. Ave, cuius viscera
Contra mortis foedera

Ediderunt filium,
Ave, carens simili,
Mundo diu flebili
Reparasti gaudium.

4. Ave, virginum lucerna,
Per quam fulsit lux superna

His, quos umbra tenuit,
Ave, virgo, de qua nasci
Et de cuius lacte pasci

Rex caelorum voluit.

5. Ave, caeli luminarium,
Spiritus sancti sacrarium,

In te fulsit fecunditas ;
O quantum mirabilis,
O quantum laudabilis

Est et haec virginitas.

6. Ave, sidus, lux dierum,
Mater lactans regem rerum,

Genitorem filia,
Ave, verbi sacra parens,
Per te mundus viget arens,

Per te datur venia.

7. Ave, verbi Dei cella,
Salva reos a procella

Mundi huius noxia;
Mundum pingis novo flore,
Florem paris miro more

Novi floris gratia.

8. Mater regis et regina,
De malorum nos sentina

Perduc ad caelestia;
Dele culpas, o Maria,
Per te nobis detur via

Ad aeterna gaudia.