160. De beata Maria V.

Si fieri posset, quod arenae, pulvis et undae,
Undarum guttae, rosa, gemmae, lilia, flammae,
Aethera, caelicolae, nix, grando, sexus uterque,
Ventorum, pluviae, volucrum, pecorum genus omne,
5. Silvarum rami, frondes, avium quoque pennae,
Hos, gramen, stellae, pisces, angues et aristae
Et lapides, montes, convalles, terra, dracones,
Lingua cuncta forent, minime depromere possent,
Quae sis vel quanta, virgo, regina Maria,
10. Quae tua sit pietas, nec littera nec dabit aetas.