65. De beata Maria V.

1. Gaude, salve, misso rore
Exortus est flos de flore,
Fructu cuius et odore

Respirant caelestia.
Ius naturae permutatur,
Cum flos flore fecundatur,
Et de flore fructus datur,

Per quem vivunt ????

2. Hoc nescivit ius natura,
Ut naturae contra iura
Mater esset virgo pura
Absque viri semine.
Haec est mater singularis,
Mater veri salutaris,
Iure dicta stella maris,
?uod ilustrat lumine.

3. Flos de flore procreatus,
Hic est puer nobis natus,
Sceptrum sui principatus

Ferens sine crimine.
Hoc prophetae praeviderunt
Et in scriptis redegerunt
Futurumque praedixerunt

De Iesse propagine.

4. Benedicta sit propago,
Ex qua nata est virago,
Per quam datur, ut imago

Reformetur hominis.
Sed et caelum obscuratum
Protoplasti per peccatum
Iustis patet reseratum

Nunc per partum virginis.

5. Haec est mater illibata,
Porta semper obserata,
Post et ante consignata,

Summi regis annulo.
Virgo fuit fecundata,
Virgo mansit prole data
Nec in partu est privata

Castitatis cingulo.

6. Gloriosa mater Dei,

Fundamentum nostrae spei,
Huius attende diei

Preces et praeconia.
O praeclara maris stella,
Natum tuum interpella,
Ut de mundi nos procella
Perducat ad gaudia.