20. Ad beatam Mariam V.

1. Ave, mater et virgo virginum,

Ave, rosa et candens lilium,

Ave, spes et solamen miserorum,

Ave, gemma dulcedoque bonorum.
2. O regina, caeli imbuta nectare,

O imperatrix siderum et caelestis curiae,

O Maria, summi regis filia,

O speciosissima et vellus madens area.
3. Ave, cella septiformis spiritus,

Ave, parens electa divinitus,

Ave, rectrix et regina,

Virga florens, tu piscina,

Quam commovit spiritus.

4. Omni laude virgo digna,
Nos reforma, tu benigna,
Maris unda fluctuantes,
Paene mersos, sed laudantes
Te, quae nulla laude cares
Et laudari milli vales,
Quem mortalis pungit spina,
Nam perfudit te divina
Virtus sua gratia.