14. De beata Maria V.

R Ave, dulcis, ave pia,
Plena gratia Maria.

1. Ab aeterno praeparata,
Verbi Dei mater grata,
Per prophetas nuntiata,
Caeli ianua, Maria.

2. Benedicta praedicaris,
Antequam concipiaris,
Utero sanctificaris

Annae matris, o Maria.

3. Caelibatus honestatis,
Habitus humilitatis
Deo placent maiestatis
Super omnes in Maria.

4. Defert angelus suave
Deo missum illud Ave,
Per quod Evae iugum grave
Relaxatur in Maria.

5. Erubescat nunc natura,
Fit creator creatura,
Vili mensus sub mensura
Homo Deus de Maria.

6. Gestat sinus virginalis,
Quem non capit mundialis,
Non est unquam factus talis
Nisi tantum in Maria.

7. Hora partus imminente
Omni lege stupescente
Virgo parit remanente
Semper virgine Maria.

8. In praesepe collocatur
Et in caelis adoratur,
Cum iuentis socimatur
Deus natus de Maria.

9. Kanit chorus angelorum
Super vigilias pastorum,
Natum nuntiant decorum
Iesum Christum de Maria.

10. Letum mundi terminantem,
Lavat crimina lavantem,
Gestat vulnus sagittantem
Beatissima Maria.

11. Mater natum contrectabat
De eoque non dubitabat,
Quidquid mente cogitabat,
Semper Deus cum Maria.

12. Nam cum Deus occurrebat
Mente praesens et vigebat,
Quam perscire . . fiebat
Impensando de Maria.

13. O dulcedo singularis,

Quae tu, virgo, si membraris
Deo nato, virginalis
Fuit osculum Maria.

14. Paret legi legislator
Circumcisus ut peccator,
Deus sit propitiator,
Deus noster, o Maria.

15. Quaerunt reges regem natum
Stella duce revelatum,
Muneratum, adoratum
In aeternum cum Maria.

16. Rite ergo expiatur,

Cum in templo praesentatur,
Simeon congratulatur
De promisso cum Maria.

17. Simeon munus praesentatur,
Verbum perfectum inspiratur,
Minime hoc est relatum
Contingenter, o Maria.

18. Transit puer in Aegyptum,
Per angelum ut est dictum,
Filiumque benedictum
Defert loseph cum Maria.

19. Ubi venit rex deorum,
Canit turba angelorum,
Cadit ritus Iudaeorum
Coram nato de Maria.

20. Xristos redit iam defunctis,
Qui quaerebant cunctis

21. Yesus via est et vita,
Salus, virtus infinita,
Per quem nunc sit exaudita
Nostra laus de Maria.

22. Zelus tuae pietatis
Et purgatos a peccatis
Nos conducat cum beatis
Suppliciter, o Maria.