173. De beata Maria V.

1. Vale, gaude, sol splendoris,
Virgo splendens intus, foris

Ad decus ecclesiae,
Te rogamus nostro more,
Ut illustres nos splendore
Tuae dulcis gratiae.

2. Tu flammantis sol ardoris,
Fundens scintillas amoris

In caelis mirifice,
Coronaris sublimata,
Cumulata, debriata

Vini meri calice.

3. Tu es luna noctis huius,
Pulchra, crescens, plena, cuius

Lux eclipsis nescia,
Quae clarescens sole vere
Cuncta facis resplendere

Caeli luminaria.

4. Tu caeleste firmamentum,
Quod stellarum ornamentum

Reddit gloriosius,
Quo purgatur et firmatur
Et ad summa dilatatur

Nostrae mentis radius.

5. Tu es scala cupressina,
Sursum levans ad divina

Tuis iustos gradibus,
Ad te trabis peccatores
Per te factos ascensores

Et non suis viribus.

6. Tu, superna porta lucis,
Nos ad mensam introducis

Regis in caelestibus,
Sancta clavis secretorum,
Cellam pandens unguentorum

Tuis amatoribus.

7. Miserere, virgo, tois,
Quibus verum manna pluis

In deserto saeculi,
Ut terram promissionis
Saginati eius bonis

Nostri cernant oculi.