105. De beata Maria V.

O Maria, quae es pia,
Clemens, digna, tam benigna,
Talis exstas bonitatis,
Excellentis dignitatis,
5. Tantae mirae pietatis,
Sic quod nullum dedignaris,
A quo, virgo, salutaris,
Nec peccantes aspernaris,
Dum ab ipsis invocans.

10. Preces audis et exaudis
Tuum nomen invocantes,
Eia, mater, te amantes
Rege, salva deprecantes.
Normam dona paenitendi,

15. Tempus recte da vivendi,
Doce formam confitendi,

Omne malum dimittendi

Et peccata fugiendi,

Deum verum metuendi
20. Et ad caelos veniendi,

Te cum sanctis intuendi

In caelesti patria

Vera cum laetitia.

Hic in terris iuste da vivendi,
25. Nulla cedat unquam
hora delinquendi,

Sed mens detur bona faciendi,

Per te, sancta,
mitis, dulcis virgo,

Virgo pia, Christi mater et filia,

O Maria, nostra spes et gratia,
30. Nobis sis semper propitia.