169. Oratio ad beatam Mariam V.

1. Te devote colimus

Matrem salvatoris
Et corde deposcimus

Natam redemptoris,
Terge, quod delinquimus,

Tu crimen erroris,
Nam ad te recurrimus,

Speculum honoris.

2. Stella maris diceris,

Rosa sine spina,
Fer solamen miseris,

Tu caeli regina,
Cunctis nobis egenis

Gaudia propina,
Eruens ab inferis

Et turpi ruina.

3. Auctrix omnis gratiae,

Virgo benedicta
Et flos pudicitiae,

Mater es intacta,
Aurora laetitiae

In scripturis dicta,
Speculum iustitiae,

Sole es amicta.

4. Ave, candens lilium,

Flos miri odoris,
Nobile triclinium,

Mater salvatoris,
Nostrum sis consilium

Tu in cunctis horis,
Placa nobis filium,

Gemmula splendoris.

5. Lapsorum refugium,

Virgo, nuncupans,
Ergo fer remedium

Cunctis tuis caris
Et post hoc exsilium

Et procellas maris
Confer nobis praemium,

Ubi tu moraris.

6. Tu flos campi radians,

Moysis fiscella,
Virga Aaron nuces dans,

Claritatis stella,
Nostrum cor corroborans,

Maria, Dei cella,
Coram nato tuo stans

Pro nobis interpella.

7. Aurora lucidior,

Virgo praeeleeta,
Cunctis stellis clarior,

Deitate tecta,
Sideris excelsior,

Quam Deo dilecta,
Sole, luna pulchrior,

Tu virgo perfecta

8. Tu es strips Davidica,
Vellus Gedeonis
Et navis dominica,
Fons salvationis

Mater Dei unica,
Tuis sacris donis

Nobis confer caelica
Contemplationis.

9. Tu via labentium,

Salus peccatorum
Et te confitentium

Corona iustorum,
Tu corda maerentium

Laeta fac tuorum
Tibi servientium,

Mater salvandorum.

10. Tu castrorum acies,

Tu praeordinata,
Tua clara facies

Nobis cunctis grata,
Sis aeterna requies

Nobis, advocata,
Tibi preces milies

Fundimus, beata.

11. Theotocos diceris,

Templum sancti spiritus,
Mitis es et sinceris,

Electa divinitus,
Porta clausa crederis,

Illustrata caelitus,
Flos humani generis,

Nostros audi gemitus.

12. Tu......

Candor puritatis
Murtus temperantiae,

Vas nobilitatis,
Corona laetitiae,

Auctrix veritatis,
Mater omnis gratiae,

13. Ave, caeli plantula,

Florem protulisti,
Ave, Iesse virgula,

Mater Iesu Christi,
Ave, Dei famula,

Nos a dolo tristi
Et peccati vincula

Solve, mater Christi.

14. Tu es mundi imperatrix,

Virgo ter beata,
Miserorum consolatrix,

Parens illibata,
Tu caecorum vera ductrix,

Es candore purpurata,
Clericorum summa nutrix

In vestitu deaurata.

15. Laetare, sanctissima

Genetrix Maria,
Corpore castissima,

Virgo, parens pia,
Nos, virgo purissima,

Solve a miseria,
Tua lex clarissima

Nos locet in patria.

16. Cum sis aeternaliter,
Ubi tu congaudes,

Nostras dele iugiter
Peccatorum fraudes,

Ut ovantes dulciter
Personemus laudes,

. . . . . . .

17. Ego miser famulus,

Virgo, te imploro,
[Obsecro] humiliter,

In dictis honoro,
Corde, voce firmiter

Precibus imploro,
Iungas me feliciter

In caelesti choro.

18. Ubi lux angelica

Refulget splendore,
Tuta quies [caelica]

Fragrat suo more,
Ubi laus dominica

Decantatur ore,
Mater Dei unica,

Fac hoc cum decore.

19. Me miserum respice,
Virgo, mater pia,
Nec precantem despice,
O sancta Maria,

Sed benigna perfice,

Ut caelestis via
Perducat pacifice

Ad aeternalia.

20. Te laudando, pulcherrima,

[Haec] tibi compilavi,
Virgo sacratissima,

Dictis sublimavi
Te, excellentissima,

Pluries exoravi,
Nam sorde gravissima

Me nunc oneravi.

21. Premor gravi sarcina,

Mole peccatorum,
Ergo, mater intima,

Me munda meorum,
Ne ducar ad infima

Loca mergendorum,
Succurre, gratissima

Spes desperatorum.

22. Pelle a me plurimas

Cogitationes,
Daemonis taeterrimas

Tu illusiones,
Da mihi mundissimas

Vitae passiones
Et post hoc gravissimas

Contemplationes.

23. Nam ego cotidie

Virgo, te, turbavi,
Dum opus superbiae

Sponte perpetravi
Et scelus invidiae

Miser cogitavi,
Ob hoc, mater gratiae,

Te multum expavi.

24. O virgo puerpera,

Mei miserere,
Fac nova ac vetera

Peccata deflere,
Quae mens mea misera

Consuevit docere,
Virgo salutifera,

Digneris delere.

25. Ego quinque sensibus

Contra te peccavi
Et in cunctis mensibus

Scelus cumulavi
Et pro bis excessibus

Te matrem oravi,
Ne me tradas hostibus,

Quos semper vitavi.

26. Primo tamen fateor
Me visu peccasse,

Ob hoc tamen videor
Graviter errasse,

Mater virgo Christi,
Miserere mei

. . . . .

27. Mea nunc precamina

Digneris audire,
Angelorum domina,

Sed cum dies irae
Venerit, ne, Maria,

Permittas me perire,
Cum sanctis in gloria

Tunc me introire.

Laus sit, Christe, tamen,
Ne patiar gravamen,

Propter tuum solamen,
Virgo, dicam. Amen.