51. De beata Maria V.

1. De spineto nata rosa,
Arbor vitae speciosa,

Ave, plena gratia,
Nos ad lucem verae lucis
Levas, trabis et perducis

Ducens via regia.

2. Specialis eminenter,
Singularis excellenter

Emines virtutibus,
Flos et lumen es sanctorum,
Sed et luce angelorum

Praemines ordinibus.

3. Aaron virga tu fuisti,
Florem, fructum protulisti

Stupendo miraculo,
Deum paris illibata
Post et ante sigillata

Veri regis annulo.

4. Ergo, virgo tam beata,
Multis signis praemonstrata,

Nobis sis propitia,
Aufer iras et dolores,
Mentes fove, forma mores

Pietatis gratia.

5. Piae matris pia proles,
Hic purgato, quando voles,

Tranfer nos ad supera,
Piae matris pia prece
Tu nos a secunda nece,

Pie Iesu, libera.