72. De beata Maria V.

Incipiam nec deficiam laudare sophiam,
Egregiam sine fine piam laudabo Mariam.

Gaude, virgo pia, gaude cum prole, Maria,
Gaude, formosa de stirpe David generosa,

5. Gaude, pulchra rosa, plus sole nites speciosa.
Gaude, morosa, mater Christi pretiosa,
Gaude, spe plena, prolem pariens sine poena,
Gaude, virgo bona, tete me, quaeso, corona.
Gaude, matrona, cor contritum mihi dona,

10. Gaude, fecunda, miseros a crimine munda,
Gaude, divina lux, stella vocata marina.
Gaude, laetare, venerantes te venerare,
Gaude, dignare, tecum me glorificare,
Gaude, mel dulce, saevissima pectora mulce,

15. Gaude, cum melle favus, a me noxia pelle,
Gaude, gaudere mihi non licet, immo maerere.
Gaude, cui vere cupio sine fine placere,
Gaude, plaude, vale, scelus ignorans veniale,
Gaude, quae Christi mater fieri meruisti.

20. Gaude, stella, favi me pascis odore suavi,
Gaude, fons fidei, me iunge tuae requiei,
Gaude, plena spei, virgo mirae speciei,
Gaude, sancta Dei genetrix, aurora diei.
Gaude, plena favo, succurre, precor, mihi pravo,

25. Gaude, gaudeto, te laudo pectore laeto,
Gaude, quae fructu potiris, sed sine luctu,
Gaude, quae Christum mundum producis in istum,
Gaude, sanctarum sanctissima, lux tenebrarum,
Gaude, flos florum, consolatrix miserorum,

30. Gaude, quae cleris sicut mater misereris,
Gaude, quae miseris misereri iure teneris.
Gaude, iustorum speculum, medicina reorum,
Gaude, stella maris, nos protege, nos tuearis,
Gaude, rosa rubens, Ioseph virguncula nubens,

35. Gaude, salvatrix, tu nostra reconciliatrix,

Gaude, virgo, datrix morum, virtutum amatrix.
Gaude, iustitiae solem pariens sine menda,
Gaude, tristitiae succurre meae, reverenda.
Gaude, virgo pia, tecum cupio mimis esse,

40. Gaude, casta parens, sperni vereor nimis a te.
Gaude, quae laeta Christo sine fine frueris,
Gaude, discreta virgo, miseris misereris.
Gaude, forma decens, totius fons bonitatis,
Gaude, virgo recens, vere tibi servio gratis.

45. Gaude, terra ferens fructum testante propheta,

Gaude, virgo maerens Christo mortem patiente,

Gaade, virgo querens nimium nato moriente.

Gaude, virgo terens colubri caput inveterati,

Gaude, virgo gerens verbum patris immaculati,

50. Gaude, quam quaerens reus invenit acta gemendo,

Gaude, virgo ferens fructum vitae patiendo.

Gaude, virgo doli nimis expers, rosa decora,

Gaude, tuae soboli pro me misero, precor, ora,

Gaude, filioli, pia virgo, tui miserere.

55. Gaude, cui vere reges tria dona dedere,

Gaude, porta poli, succurre, precor, mihi tristi,

Gaude, virgo, soli regina, Deum genuisti,

Gaude, cui soli cum prole placere laboro,

Gaude, digna coli, memor esto mei, reus oro.

G0. Gaude, Davidica de stirpe satis generosa,

Gaude, morosa mater virgoque pudica,

Gaude, formosa sponsi caelestis amica

Gaude, delens crimina, sis peccati medicina,

Gaude, quae redoles sicut thymiama suave,

65. Gaude, mater, ave, sanctissima regia proles,

Gaude, dulcedo maestorum, me tibi dedo,

Gaude, quam spreto mundo colo pectore laeto.

Gaude, virgo pia, dictis credens Gabrielis,

Gaude, laetitia maestorum, virgo fidelis.

70. Gaude, melliflua mater, regina polorum,

Gaude, perpetua virgo, miserere reorum.

Gaude, quae reprimis, quos fallax gloria pascit,

Gaude, virgo nimis humilis, si dicere fas sit.

Gaude, quam laeta colo mente libidine spreta,

75. Gaude, sanctorum sanctissima, lux tenebrarum.

Gaude, mamilla stillans mellis quasi stilla.

Gaude, pacifica sponsi caelestis amica,

Gaude, Davidica proles virgoque pudica,

Gaude, nos salva, paradisi pervia valva,

80. Gaude, solamen miseris maestisque levamen,

Gaude, quos flamen impugnat, tolle gravamen,

Gaude, peccamen delens fundendo precamen,

Gaude, certamen contra carnale iuvamen,

Gaude, proles regia, gaudeto, virgo, Maria.