28. De beata Maria V.

1. Ave, rosa tu caelestis,
Vera glosa, quae scelestis

Numen es latura;
Ave, prosa novae legis,
Nam dulcosa verba legis,

Lumen paritura.
Ave, latrix summi regis,
Superatrix es quae regis,

O praedulcissimum ave,

Miseros nos solve a vae.

2. O regina, caeli porta,
Tu crimina nostra porta,

Consolatrix pia,
O divina stella maris,
Tu propina opes maris,

Miseratrix dia.
Cella sacrata tu vera,
Bella celata, quae fera

Mundo tulit virgo, dele

Pugna caelestis tutelae.

3. Tu velata satis velis,
Ut placata fore velis,

Precor, gratiose,
Adornata poli sedes,
Supportata fessis sedes,

Posco, sis dulcose,
Praelucida signo canis,
Quae florida verbo canis,

Saporem donans malorum,

Mater dulcis sis malorum.

4. O figella suavis toni,
Dona mella sacri doni,

Dulcis harmonia,
O praemella sumi facis,
Non rebella, quae nam facis,

Pacis analia.
Tu capella Dei et vas,
Tormella Dei, quod est pas,

Tu femella, quae non pellis,

Saeva fella, mater, pellis.

5. Tu arcana Dei vides,
Nulla vana constat fides

In te nunc visura,
Lapsis sana sacra Venus
Non inana prout fenus

Per te fit usura,
Gratiosa semper venis,
Sis formosa nostris venis,

Tu nos pota sacris vinis,

Praesta, quod bonus sit finis.

6. Sanctitatis verus liber,
Libertatis magne liber.

Reorum lorica,
Sanitatis confer lectum,
Trinitatis opus lectum,

Piorum amica,
In caelico throno iaces,
Famelico mel tu iaces,

Fave, quod lenis sit natus

Malis nostris a te natus.

7. In aurora lucis mane
Tu, dulcora, mecum mane,
Maria tutatrix,

Indecora, quae nam sero,
Sine mora, sine sero

Sis pia purgatrix,
Dieculam salubrem fer,
Plebeculam ornans ut ver,

Ignosce nunc, quod non novi

Normulas praecepti novi.
8. Mente pura Christum ora,
Quod futura mortis hora

Det mite solamen,
Laesis cura verax eris,
Corda dura non sis heris

Sed suave salvamen;
Tu salva nos in hoc festo
A daemone tam infesto,

Miseris non polum claudis,

Sis medela sacra claudis.
9. Mortuosis vitam paris,
Tu exosis non es par his,

Fidei columna,
Tu damnosis multum prodes,
Me verbosis nunquam prodes,

Alvei alumna,
Donatrix es summi dotis,
Sis stirpatrix malis totis,

O salutifera caro,

Soboli nos apta caro.
10. Veniis es nunquam parca,
Vitiis nostris nunc parca,

Casa Dei diva,
Medelis nos sacris munda,
Immundis tu confer munda

Corda templativa,
Generosa alma regis,
Sis dulcosa, virgo, reis,

Tuae acquiesce irae

Et nos fac ad prolem ire.
11. Ave, mater summi ducis,
Nam quemvis ad prolem ducis,

Ave, tu templaris vita,

Devotos tibi non vita.
O Diana celsae aedis,
Nam profana nulla edis,

Vera lux praefulgens soli,

Tu nos iunge nato soli.