116. De beata Maria V.

O pia virginitas, dulcis, fecunda, decora,
Virgineo numero sapiens et sola beata,
Princeps cunctarum, quae clara lampade fulges,
Sub cuius clipeo tute latuere fugientes,
5. Sub quo non tantum fugiunt, sed saepe triumphant.
Virgo rata atque omni parte inviolata, tulisti
Quae partum tantum, caelive fenestra serena,
Orbem terrarum quae nomine virginis imples,
Virgo supernalis, quae gaudia sumis ab Evae

10. Planctu, sub summo regno sine fine beata,
Stabilis aeterno tempesti stella marini,
Omnis sinceri nautae dux nempe fidelis.
Virgo sacra, burgum, spes nostra, inimica superbis,
Sublimata, poli quae altissima digna petisti

15. Et solis vestem, caeli regina, nitentem;
Sola sine exemplo, virgo mundana, tulisti
Iustitiae solem, fontem pietatis amoenum.
Virgo sacra atque alma dotataque sensibus altis,
Cui nec prima fuit nec consimilisve secanda,

20. Quaeque Deo vero templum divina sacrasti.